Seonist rejim mevcud bıə ruji sıftəku har sor de AİŞ-on noməhdudə dastəki bo mığoviməti dastə canqəkəyon terro kardero dıjdə budcə co kardedə.Ğudsi işğaləkə rejimi ləşkər ki,çın rejimi əsosə sutunonku qıləyni bə hisob omeydə,bo Fələstini milləti etosney iyən çəvon zəminon ğəsb kardeyro hejo bənə qıləy avjori çəyku oko doey beydə. Seonistə ləşkəri terrorə dastəon proqramədə hərbi iyən əmniyyəti təşkiloton mıxtəlifə hissəon ki,əsosən hərbi xarakterin ne,bəlkəm çəvon terrorə simoşon heste,bənə çın rejimi ləşkəri strukturu təqdım kardey beydə.